Prezident təqaüdünün məbləği artırılıb

Prezident təqaüdünün məbləği artırılıb. “Azərbaycan Respublikasının ali məktəb tələbələri üçün Prezident təqaüdünün təsis edilməsi haqqında” Azərbaycan Respublikası Prezidentinin 2001-ci il 3 sentyabr tarixli 564 nömrəli Fərmanında dəyişiklik edilməsi barədə Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Əhalinin sosial rifahının qorunması sahəsində əlavə tədbirlər haqqında” Azərbaycan Respublikası Prezidentinin 2021-ci il 16 oktyabr tarixli 2965 nömrəli Sərəncamının icrasını təmin etmək məqsədilə qərara alıram:

1. “Azərbaycan Respublikasının ali məktəb tələbələri üçün Prezident təqaüdünün təsis edilməsi haqqında” Azərbaycan Respublikası Prezidentinin 2001-ci il 3 sentyabr tarixli 564 nömrəli Fərmanının (Azərbaycan Respublikasının Qanunvericilik Toplusu, 2001, № 9, maddə 579; 2004, № 9, maddə 684; 2006, № 12, maddə 1056; 2008, № 9, maddə 796; 2013, № 9, maddə 1049; 2018, № 5, maddə 935; 2019, № 2, maddə 227) 1-ci hissəsində “210 (iki yüz on)” sözləri “250 (iki yüz əlli)” sözləri ilə əvəz edilsin.

2. Bu Fərman 2022-ci il yanvarın 1-dən tətbiq edilir.

İlham Əliyev
Azərbaycan Respublikasının Prezidenti
Bakı şəhəri, 14 fevral 2022-ci il

Qeyd etmək lazımdır ki, hər il Azərbaycan Respublikası Prezidentinin müvafiq Sərəncamı ilə tələbə qəbulu imtahanlarında ən yüksək nəticələr göstərmiş və ali məktəblərə daxil olmuş tələbələrə Prezident təqaüdü verilir. Təqaüdlər abituriyent hazırlığı mərhələsində olan şagirdlər üçün stimullaşdırıcı amildir. Missiya Təhsil Şirkəti olaraq ali məktəblərə hazırlaşan abituriyentlər üçün yüksək keyfiyyətli və zəmanətli abituriyent hazırlığı kursları təklif edirik. Bizimlə təqaüd qazanmaq şansınız çox yüksəkdir.