DİM: Şagirdlərin nəzərinə!
DİM: Şagirdlərin nəzərinə! 16 və 17 apreldə təşkil ediləcək buraxılış imtahanında iştirak edəcək şagirdlər imtahana buraxılış vərəqələrini çap edə bilər. Həmçinin təhsil müəssisələri bütün şagirdlərin imtahana buraxılış vərəqələrini çap edə bilər.
Məlumdur ki, 16 apreldə aşağıdakı ərazilərdə buraxılış imtahanı təşkil ediləcək: Bakı (Sabunçu rayonu), Ağdam, Balakən, Biləsuvar, İmişli, İsmayıllı, Qax, Qusar, Tərtər rayonlarında, Sumqayıt (I hissə), Lənkəran, Gəncə (Kəpəz) şəhərləri.
17 aprel tarixində isə Bakı şəhərinin Binəqədi, Səbail rayonlarında, Abşeron (I hissə), Astara, Ağcabədi, Oğuz, Saatlı, Şabran, Şamaxı, Siyəzən, Xızı, Zaqatala rayonlarında, Gəncə (Nizami) şəhərində Dövlət İmtahan Mərkəzi tərəfindən ümumi (9 illik) orta təhsil səviyyəsi üzrə buraxılış imtahanları keçiriləcək.
Həmçinin qeyd etmək lazımdir ki, 16 aprel tarixində tədrisi gürcü dilində olan məktəblərin şagirdləri də imtahan verəcək.
Sumqayıt və Abşeronda yerləşən məktəblərin şagirdlərinin imtahanı 2 imtahan gününə bölünüb. Bu hal yuxarıda müvafiq olaraq, “hissə”lərlə adlandırılıb və hiperlink qoyulub. Linkə keçid etdikdən sonra qeyd olunmuş tarixdə müvafiq məktəblərin şagirdlərinin imtahan verməsi haqqında məlumatlar əks olunacaq. Digər məktəblərin şagirdləri aprelin 23-də (Sumqayıt) və 24-də (Abşeron) imtahan verəcəklər.
Buraxılış imtahanında iştirak edəcək şagirdlər https://eservices.dim.gov.az/sagirdbv/ linkindən istifadə etməklə özlərinin imtahana buraxılış vərəqəsini, təhsil müəssisələri isə bütün şagirdlərin imtahana buraxılış vərəqələrini çap edə bilərlər.
Şagirdlər iş nömrəsini buradan öyrənə bilərlər.
Şagirdlər buraxılış vərəqəsi ilə bir yerdə “İmtahan iştirakçısının sağlamlığı haqqında bəyannamə”ni də çap edirlər. Bəyannamə ayrıca vərəqdə çap edilməlidir və imtahan günü şagird tərəfindən imzalanmaqla imtahan nəzarətçisinə təqdim edilməlidir.
Buraxılış vərəqəsini çap etmək üçün kompüterə Adobe Reader proqramı quraşdırılmalıdır və brauzerin “Pop-up blocked” sahəsindən qeyd işarəsi götürülməlidir. Şəxsiyyəti təsdiq edən sənədində şəkli olmayan şagirdlər buraxılış imtahanı üçün təhsil müəssisəsi tərəfindən verilməli olan arayışı DİM-in saytından yükləyə bilərlər.
Qeydlər:
– Şagirdlər bitirdikləri məktəbin yerləşdiyi yerə uyğun rayonda (şəhərdə) imtahan verirlər.
– Məcburi köçkün rayonlarının məktəblərində təhsil alan şagirdlər bitirdikləri təhsil müəssisəsinin yerləşdiyi şəhər və rayonların imtahan gününə uyğun tarixdə imtahan verirlər.
Bütün şagirdlərə uğurlar arzulayırıq!
